2011年,Jackson正在埋首準備倫敦奧運會,而即將要中學畢業的他,亦獲得美國一間著名大學提供學位及獎學金,此時碰巧韓國娛樂公司JYP前來Jackson所屬的中學進行試鏡,Jackson再一次受邀面試。他表示:「當時我會諗,韓國公司咁遠嚟到香港揾到我,仲要喺我人生中遇到兩次,我覺得機會好難得,我信一定系代表咗啲嘢。」
Jackson向爸爸表達赴韓追夢的請求,卻遭到爸爸極力反對,Jackson説:「爸爸會帶我同佢以前嘅學生同隊友食飯,每次介紹我嗰陣都會好自豪,當時劍擊界好多人都好期待我,因為我係『亞洲第一劍』個仔。」
Jackson憶述:「我未見過阿爸咁樣,食完飯之後佢一個人坐咗喺露台望住個海,我覺得好傷心,會反問自己系咪因為我呢個決定而令到爸爸咁唔開心呢?」
Jackson回憶在韓國從零開始,當中不免有很多辛酸,但他卻選擇默默承受:「其實嗰陣好辛苦,辛苦可以同邊個講?一定無可能同父母講,佢哋送你出國,就算你生活好開心好健康,佢哋始終都會擔心你,更無可能同其他練習生講,人哋都會有自己要面對嘅問題。」有苦不能訴,Jackson透露自己那時望著夜空痛哭過幾個晚上。不過,付出的努力和辛酸最終得到回報,Jackson回憶正式出道的一刻:「聽到『出道啦』呢這句嗰陣我好似發緊夢咁!」
全文 👉 新浪香港微博